In dié plattelandse nedersetting word daar tans nie geleeuloop nie, maar geleeusnol, nadat ’n plathond Vrydag lêplek gekry het in ’n pan in ’n woonbuurt. Die pan het oor vyf erwe gevorm na mildelike reën die afgelope ruk in die area.

’n Nabye huiseienaar het die krokodil opgemerk en verskeie eende en hoenders het ongelukkig kennis gemaak met die reptiel.

Amptenare van die Sekhukhune en Ephraim Mogale munisipaliteite het reeds hande gevat met die Limpopo omgewingsdepartement om die krokodil te probeer vang.

’n Waaskuwing is intussen aan inwoners uitgereik om uit die area te bly tot die krokodil gevang is. Die krokodil sal ook troeteldiere vang.

Daar is ook ’n beroep op tradisionele leiers gedoen om nie erwe aan intrekkers aan te bied alvorens die krokodil gevang en na ’n veilige habitat verwyder is nie. Die versoek aan tradisionele leiers is ook gedoen om mense van vleilande en onherbergsame areas te hou.

Dis onduidelik waar die krokodil vandaan kom maar vloede weens die reën speel moontlik ’n rol.