Natuurlik kan ’n hond saam braai, veral as dit ’n vredeliewende, gehoorsame, labrador is.
Wanneer die braaivleisvuur aangesteek word, kom lê Barbie eenkant en wag geduldig vir haar tjoppie.
En ’n voël?
Dis nie sommer so voël nie. Dis ons eie kuifkop houtkappers.
Het op ’n middag in die sitkamer gesit toe daar ’n gefladder in die kaggel se skoorsteen is. Het na ’n gesukkel die skoorsteen los gekry en ’n kuifkop houtkapper bevry.
Sit Saterdag onder die ou wilgerboom en braai toe die twee houtkappers vatafstand op ’n bankie kom sit.
Daar word eers geraas, omdat ons so naby aan hulle huis is, waar die kleintjies roep. Maar toe begin die groot kosgee.
Beide mannetjie en wyfie vang goggas en haas hulle na die honger kleintjies. Diep binne die boom is daar ’n getjirrrr….
Ons word eers van die bankie af bespied en dan verdwyn hulle met ’n skud van die lyfie, by die ronde gat in. Maar as ’n hond kan saam braai, kan ons kuifkoppe ook?
Stukkies braaivleis word dankbaar opgeraap, in die grond rondgeruk en nes toe gedra.
En hoe hulle van hulle braaivleis? Raw, to extra raw!
