Mnr. Riaan Kruger (hoof) sê die booswigte “het baie tyd” gehad om in te kom en te steel met die krag wat af was.
Boonop slaan dit hulle dronk dat die booswigte sover gegaan het om die diefwering op die skoolsaal se dak te sit.

Die boewe het toegang tot die skool gekry deur ’n paneel van die palissadeheining aan Kleuterskool Kabouterland se kant oop te breek. Van daar af het hulle deurgeloop na die skool.

Die krag was af tydens die inbraak en dit het die boewe genoeg tyd gegee om hul breek- en steelwerk te doen, sonder dat die alarm afgegaan het.
By die finansiële kantore is die diefwering voor die venster afgebreek om in die kantoor in te gaan.

Vier rekenaars en gedeeltes van rekenaars is gesteel.

“Gelukkig is al die belangrike inligting wat ons nodig het, op ’n skootrekenaar.”

’n Veiligheidshek is ook oopgebreek om by die kluis van die skool uit te kom.

“Ons het ’n swaargewig kluis en alhoewel hulle hom probeer oopsny het met ’n kantsnyer, kon hulle nie inkom nie. Ons moet net die skade herstel.”

Nadat hulle gevat het wat hulle wou, het hulle op een of ander manier teen iets opgeklim om die diefwering op die skooldak te sit.

•Mnr. Kruger raam die skade van die artikels wat gesteel is en alles wat reggemaak moet word, op sowat R100 000.