Die organiseerder, mnr. Arhtur Hill, het gesê dat hulle besig is met die finale beplanning van vanaand se vergadering, maar dat die hoofdoel is om die stille massa, die inwoners van Middelburg, die geleentheid te gee om standpunt in te neem, teen die vernietiging van die dorp.

Mnr. Hill sê dat daar nog aksies sal volg, maar dat dit nie sonder die ondersteuning van die dorp se inwoners gedoen kan word nie.

Mense gaan waarskynlik ook geleentheid kry om hul gevoelens te verwoord, maar dit gaan nie ’n vergadering wees waar politici hulle beuel gaan blaas nie.

Intussen blyk dit asof daar groot belangstelling in vanaand se saamtrek is, met tot inwoners van die Vergeet My Nie Wooneenhede, wat aangedui het dat hulle die vergadering wil bywoon, maar nie oor vervoer beskik nie.