Rocky is op 2 Oktober 2021 raakgery in Keiskammastraat toe hy oor die pad wou loop om pizzas te gaan koop. Die bestuurder van die silwer BMW het uitgeklim, maar toe die mense uit die huise kom en begin nader loop, het hy in sy voertuig gespring en weg gejaag.

Vroeg die volgende oggend het Rocky weens sy beserings gesterf.

Die polisie het intussen die voertuig in Midrand opgespoor, maar die eienaar van die voertuig is ’n vrou en sy het nie die aand van die ongeluk die voertuig bestuur nie.

Sy familie doen gereeld navraag by die polisie oor wanneer ’n moontlike arrestasie sal volg, aangesien daar reeds aansoek gedoen is vir ’n lasbrief vir arrestasie.

Hulle het hierdie week gesê dat daar tydens hul jongste navrae gesê is dat dit “’n sensitiewe saak is en dat ’n arrestasie moontlik eers ’n bietjie later sal volg.”