“Baie dankie vir www.mobserver.co.za. Die polisie was hier en alles het goed afgeloop,” het mnr. Heinrich van Aswegen gesê.

Mnr. Van Aswegen het vertel hoe ’n swart BMW sy motorfiets voor aankomende verkeer probeer indruk het in Lilian Ngoyistraat.

Die oomblik toe hy stop om te vra waarom hy dit doen, het die man ’n 9mm teen sy bors gedruk en aggressief op hom geskree. Hy het gedink hy “gaan in die straat doodgeskiet word.”

Lees ook: Eienaar van swart BMW gesoek: “Ek het gewag om in straat doodgeskiet te word”

Hy is dadelik na die Middelburg Polisiestasie, maar die persoon in die aanklagkantoor was nie behulpsaam nie en wou nie ’n verklaring neem nie.

Www.mobserver.co.za het die polisie se provinsiale mediakantoor gekontak, nadat mnr. Van Aswegen vertel het wat gebeur het, waarna alles baie vinnig gebeur het. Minute nadat ons gekontak is vir mnr. Van Aswegen se nommer, is hy geskakel en ’n afspraak gemaak.

Lees ook: Ons spoor man met wapen op

•Polisielede het hom gister gaan sien en ’n volledige verklaring afgeneem. Hulle het hom ook uitgevra oor die lid wat nie behulpsaam was nie.