Die pad het letterlik in ’n nagmerrie hindernisrit verander en was dit duidelik dat iets gedoen moes word.

Bykans al die boere wat plase en plotte het op dié pad, het bydraes gelewer en self toegesien dat die pad herstel word.

Hulle het ’n padskraper ingehuur vanaf Coastal Hire om skraapwerk aan die pad te doen.

“Ons wil graag dankie sê aan Coastal Hire, veral vir Jaco Hattingh, die bestuurder.”

Die boere het genoem dat die masjienoperateur “verseker weet hoe om ’n pad te skraap!”

Daar is gemeld dat die pad wel nog kleigrond kort, maar dat hulle vir nou darem met hul gewone voertuie op die pad kan ry.

•Die Delta Bravopad is ’n geregistreerde munisipale grondpad.