Geen wonder sensus 2022 kom nie klaar nie.

Keelvol inwoners maak dit moeilik vir sensuswerkers.

Veral in ’n dorp waar daar vir byna vier maande geen dienslewering was vanaf die Steve Tshwete Munisitpaliteit nie, weens ’n staking van munisipale werkers, is die algemene vraag: “Hoe gaan die sensus dienslewering verbeter, as daar in elk geval geen dienslewering is nie.”

Inwoners moes Vrydag weer gefrustreerd in lang toue wag, terwyl munisipale werkers by die lisensie afdeling besig was met ’n “vergadering”.

Daar word gekla dat dit net ’n verskoning is om nie te werk nie.

Die algemene gevoel onder inwoners is dat die werkers na drie maande se sit en niks doen nie, in elk geval nie nou bereid gaan wees om te werk nie.

Die sensus kan aanlyn voltooi word by https:/getcounted.statssa.gov.za.