Knoesen se terrorisme verhoor tot Woensdag uitgestel
Die verhoor van pastoor/doktor Harry Knoesen op klagtes van hoogverraad, terrorisme, opsweping tot terrorisme en besit van onwettige wapens en ammunisie is minute gelede uitgestel na more, sodat sy nuut aangestelde regsverteenwoordiger, advokaat Mabasa, afskrifte van die dossier kon ontvang.
Knoesen het gister ingestem tot regsverteenwoordiging, nadat hy meer as twee jaar in aanhouding, regshulp van die hand gewys het.
Vanoggend was hy weer hardekwas maar het eindelaaste ingestem “tot tegniese regshulp alleenlik,” met voorwaarde dat hyself beide staats- en verdedigingsgetuies sal ondervra.
Regter Thandoluhle Mankge het Knoesen die versekering gegee dat sy saak in die huidige hofrol afgehandel sal word, omdat hy reeds twee jaar en vyf maande agter tralies sit.
Knoesen het, nadat die saak uitgestel is, aan www.mobserver.co.za gesê dat advokaat Mabasa hom “reguit en eerlik,” benader het in Paxton gevangenis waar hulle Maandag vlugtig oor die saak gekonsulteer het.
Knoesen het dit vandag op rekord gesit dat advokaat Mabasa hom sal verteenwoordig, op sekere voorwaardes.
Die marathon verhoor is tans vir bykans drie weke op die hooggeregshof rol.
