Die hoogste van die stygings is oudergewoonte op elektrisiteit met ’n 7.47% styging.
Dit is egter meer as 2% minder as die goedgekeurde Nersa tarief van 9.61%.

Die tekort op die begroting voor tariefverhogings is R156.6 miljoen.

Geprojekteerde tariefverhogings om die tekot aan te vul is as volg:

• ’n 4% styging in eiendomsheffings
• ’n 4.8% styging op riool
• ’n 4.8% styging op vullisverwydering
• ’n 4.8% styging in watertariewe.

Eiendomsheffings wat 4% styg, kan hoofsaaklik toegeskryf word aan toenemende onderhoud van munisipale bates, rente op lenings en fooie vir voorafbetaalde krag-verkopers.

Die totale bestedingsbegroting beloop R2.8 miljard, waarvan R644 miljoen op kapitaalprojekte en R2.2 miljard vir operasionele kostes geoormerk is.
Die begroting is tydens Dinsdag se raadsitting goedgekeur.

Die hoof inkomste bronne is:

• R460.5 miljoen – eiendomsheffings
• R866.5 miljoen – elektrisiteit
• R97.3 miljoen – vullisverwydering
• R86.4 miljoen – riool
• R128.4 miljoen – water

Die hoof kapitaalbeleggings is:

• R96.9 miljoen – elektisiteit
• R351.4 miljoen – water
• R45.8 miljoen – riool
• R14.8 miljoen – stormwater
• R66.2 miljoen – paaie
• R43.5 miljoen – administrasie
• R23.2 miljoen – gemeenskapsveiligheid
• R1.4 miljoen – ander dienste.