Alhoewel hulle bewerig was van skok, kon die insittendes van ’n Kia Sorento vertel dat hulle ’n ongeluk met ’n trein oorleef het.

Die ongeluk het gisteraand kort voor 20:00 by die treinoorgang in Mandelarylaan (naby die Zuidstraat ingang) plaasgevind.
Na wat verneem word het die voertuig oor die oorgang gery, waarna die trein dit net voor die bestuurderskant se deur getref het.

Gelukkig het die trein baie stadig gery en is die kar net van die spoor af gelig en eenkant toe gegooi.

’n Ambulans is na die toneel ontbied, maar niemand het behandeling nodig gehad nie.

•Daar is verneem dat die kar, wat net skade aan die regterkant gehad het, later die aand van die toneel af weg gery het!