Mnr. Tobie Prinsloo is op 31 Mei in die vroeë oggendure twee keer met ’n mes gesteek in Cowen Ntulistraat.

CCTV Videomateriaal het later gewys hoe die voertuig langs hom stop, ’n persoon uitspring en hom met die mes in sy skouer en arm steek vir sy selfoon.

Op die videomateriaal kan ’n mens die registrasienommer van die voertuig sien.

Mnr. Prinsloo is al twee keer deur die ondersoekbeampte in die saak gekontak.

Die eerste keer is gesê dat hy by die adres was van die persoon wie die eienaar van die voertuig is en dat daar niemand tuis is nie.

Lees ook: Man twee keer met mes gesteek vir selfoon

Maandag het hy op mnr. Prinsloo se vraag of daar enige nuwe verwikkelinge in die saak is, vir hom nee gesê, maar dat hy steeds besig is met die ondersoek.