Sy ma, Moira, het van die ongeluk verneem en haar na die toneel gehaas.

“My kind het nooit sy bewussyn herwin nie. Die dokter van die Middelburg Hospitaal het omstreeks 20:45 vir my ’n WhatsApp boodskap gestuur en gesê ek moet terugkom hospitaal toe. Met my aankoms daar, het hulle vir my die nuus gegee.”

Daar is aanvanklik gesê dat Werner (20) homself per ongeluk gepootjie het, neergeslaan en voor die aankomende voertuig beland het.
Me. Beukes sê dat die persoon wat hom raakgery het, gesien het dat hy oor die straat loop en oorbeweeg het na die ander baan.

Sy sê ’n ooggetuie het gesien dat Werner verward was en toe teruggehardloop het reg voor die voertuig in. “As hy aangehou loop het in die rigting wat hy gegaan het, sou hy nie raakgery gewees het nie. Dit was ’n blote ongeluk.”

•Die familie het nog nie begrafnisreëlings getref nie.