“Hy was altyd reg met ’n grappie,” se Renier van den Berg.

Renier en sy pa, Marius, is die eienaars van Ubunthu Gearbox en Diff waar Sam die laaste 10 jaar gewerk het.

Lees ook: Man doodgeskiet tydens gewapende roof in Toscana winkel Mineralia

“Sam bly net sowat honderd meter van die sentrum af en is soontoe om te gaan kos koop,” sê Renier.

Volgens Renier was sy vrou met hul tweejarige kind ook gisteraand by die sentrum om kos te koop.

“Sy het vir Sam buite gekry, met hom gesels en nog vir hom ’n sigaret gegee. Kort daarna het die roof plaasgevind en is Sam doodgeskiet. My vrou het dit met omtrent vyf tot ses minute gemis.”

Lees ook: Vier roof terwyl man in winkel dood lê

Renier was self op die toneel en is deur die polisie gevra om Sam te identifiseer.

Daar was ook twee ander jong mans, een van hulle ’n goeie vriend “wat vir Sam soos ’n broer was” wat saam met hom by die gebou in is.

•Lees in die Vrydag uitgawe hoe Marius en Renier vertel van hul vriendskap met Sam “wat deel was van ons familie.”