Afrigter Jimmy Stonehouse, was verras met die ontvangs en het tydens ’n besoek aan die Middelburg Observer gesê die span het dit nie verwag nie.

“Sê asseblief dankie vir die dorp, die ontvangs waar ons ookal gegaan het was verstommend,” het Stonehouse gesê.

Dié oud onderwyser en bobaas afrigter, sê hy kon nie glo wat die skole alles gedoen het om hulle te laat tuis voel nie.

“Die dissipline van al die Middelburg skole is uitstekend, ek moet hulle komplimenteer.”

Die span het ook die OH Frewin Museum vir die Druk en Gemeenskapspers besoek, maar nie die Curriebeker wat hulle teen Griekwas verower het in die museum agtergelaat nie.