Vanaf 6 Augustus, het die sewende jaarlikse Mpumalanga fietstoer plaasgevind.

Hierdie fietstoer word aangebied deur HA Toere en geborg deur die Departement van Kultuur, Sport en Rekreasie van die Mpumalanga Provinsiale Regering.

Die toer het afgeskop in die Laeveld en die fietsryers het deur 10 dorpe gejaag soos Witrivier, Sabie, Graskop, Bosbokrand, Hazyview, Nelspruit, Badplaas, Carolina, Hendrina en afgesluit op 10 Augustus op die N11, net buite Middelburg.

Die professionele spanne wat deelgeneem het was Honeycomb Bee, DMS, Cycle Power en TEG.

Mark Pritzen van die Honeycomb Bee span in Gauteng, het die geel trui verower en die toer klaar gemaak met ’n totale tyd van 17 uur en 23 minute.
Saam met dit het hy ook met die groen trui (punte trui) en die polka dot (koning van die berge) trui weggestap.

Die wit trui (beste jong ryer) is verower deur Jason Eggett ook van Honeycomb Bee.

Twee fietsry skeidsregters van Fietsry Suid-Afrika, Bart Harmse en Rudi van Wyk, (beide van Middelburg) het dienste verrig tydens die toer.

Hendrik Wagener het namens die organiseerders sy dank uitgespreek aan die Mpumalanga Provinsiale Regering, elke deelnemer en beampte, asook aan die verskillende dorpe se provinsiale en munisipale verkeersbeamptes en SAPD personeel wat diens verrig het.

Pritzen was eerste, Jaco van Dyk tweede, Brandon Downes derde, Jason Eggett vierde en Jaedon Terlouw was vyfde.