News
R3 miljoen glo by skool gesteel
Groblersdal Academy administratiewe-amptenaar, me. Kobie Kitshoff (65), het in die Groblersdal-landdroshof verskyn in verband met die diefstal van R3.6 miljoen.
Sy is deur die Valke se Ernstige Kommersiële Misdaad-ondersoeklede aangekeer.
Volgens kaptein Matimba Maluleke (Valke) word daar beweer dat me. Kitshoff in Augustus 2021 na skoolure, toegang tot die skool se bankrekening gekry het en R3.6 miljoen in haar persoonlike bankrekening oorgeplaas het.
Die skool het die beweerde verduistering van fondse ontdek en die saak by die Valke aangemeld.
“Tydens die ondersoek is vasgestel dat die beskuldigde eintlik al daardie geld verloor het deur ’n beleggingsbedrogspul,” sê kaptein Maluleke.
Borgtog van R6 000 is aan mev. Kitshoff toegestaan en die saak is tot 18 November uitgestel.
At Caxton, every story is written by humans. We use AI only to perform quality checks - never to generate the news. Happy reading!
