“Op Dinsdag, 22 November, om 10:00 het die duikers ’n staalstruktuur ontdek in die Vaalrivier naby Henbase Lodge, wat toe as Willem se Toyota Hilux bakkie geïdentifiseer is.

“Die voertuig is uit die Vaalrivier gehaal en Willem se liggaam is ook gevind.

“Die saak word beheer deur die polisie in samewerking met mnr. Sakkie Louwrens van Bosveld Misdaad Ondersoeke.
“Die voertuig is gestuur vir forensiese analise en daar sal ’n nadoodse ondersoek op Willem se liggaam gedoen word.

“Baie dankie aan mnr. Louwrens en sy span wat van die begin af die ondersoek en soektog hanteer het en alle inligting met die polisie gekoördineer het.

“Van die familie se kant af, wil ons almal wat hulp verleen het tydens die soektog bedank, asook elke persoon wat ons en Willem in hul gebede opgedra het. Ons is oneindig dankbaar vir al die ondersteuning.

“Vir enige verdere inligting of navrae, kan mnr. Sakkie Louwrens gekontak word by 071 798 7954.”