Watertekorte regdeur dorp tot Sondag verwag
Intussen het die munisipaliteit ook aangekondig dat hulle gesluit sal wees van 27 tot 30 Desember vir vier dae.
Inwoners staar ’n watertekort in die gesig, indien hulle nie ag slaan op die munisipaliteit se waarskuwing om gedurende die naweek nie water onnodiglik te mors nie.
Die munisipaliteit werk al sedert Woensdag aan die hoofpyplyn, wat rouwater aan die Vaalbank-suiweringswerke voorsien.
Dié lyn word tans opgradeer om ’n groter hoeveelheid water na die suiweringswerke te vervoer.
Omtrent die hele dorp kan watertekorte verwag.
Inwoners van Mineralia, Aerorand, Mhluzi, Tokologo, Newtown, Rockdale, Nasaret, Kanonkop en Dennesig sal veral geraak word.
Die opgradering behoort teen Sondag voltooi te wees.
Watertoevoer sal herlei word na die Pienaardam en die Walter’s Weir pompstasie.
As die reservoirs egter leegloop, sal besliste tekorte in hoërliggende areas soos Kanonkop, ervaar word.
Inwoners word gevra om spaarsamig met die beskikbare water te werk.
Daar word onder meer gevra dat tuine nie nat gemaak, of swembaddens volgetap word tydens die onderhoudswerk nie.
• Intussen het die munisipaliteit ook aangekondig dat hulle gesluit sal wees van 27 tot 30 Desember vir vier dae.
Personeel aan diens gedurende die tyd sal vier dae grasie verlof in die nuwejaar kry.
Munisipale betaalpunte sal ook gesluit wees.
