Dagpatrollie bring Kylie huistoe
Die Middelburg Dagpatrollie het pas vir Kylie in Avalon gaan terugkoop.
Mnr. Arthur Hill (Dagpatrollie) het die pitbullterriër hondjie na die Middelburg Observer se kantore gebring, nadat hy haar gaan koop het.
Dwelmverslaafde Michael Bakker het eergister die hond aan ’n taxibestuurder verkoop in die Iraq taxistaanplek vir R200.
Hy het onderneem dat hy vandag die hond sal probeer terugkoop.
Mnr. Hill het egter vroeg vanoggend begin navraag doen by die taxistaanplek, waar daar vir hom ’n foto gewys is waar Michael met die hond in die taxistaanplek rondgeloop het.
Lees ook:
Mnr. Hill het die adres bekom van die persoon waarheen die hond geneem is en hy het die hondjie vir R500 teruggekoop.
Op die erf was ook twee deense honde (great danes) en ’n bulterriër. Mnr. Hill sê die ander honde was glad nie aggressief teenoor hom of die klein hondjie nie.
Lees ook:
