News
Ouers takel mekaar met vuiste tydens hokkie semi-finaal
Toeskouers moes Saterdag inspring om twee ouers wat mekaar te lyf gegaan het van mekaar af trek, nadat gemoedere vlamgevat het tydens die provinsiale hokkie semi-finale stryd tussen Hoër Tegnies Witbank en Hoërskool Secunda.
Die twee ouers het gedurende die wedstryd al op die pawiljoen haaks geraak.
Hulle het glo gedurende die wedstryd tussen die eerste meisies hokkiespanne heeltyd oor en weer vir mekaar geskreeu.
Die twee mans het mekaar na die wedstryd gekonfronteer, waarna ’n bakleiery uitgebreek het.
Hulle het mekaar met die vuiste bygekom en gedurende die geveg het beide op die grond beland.
’n Groep ouers het die vegtende mans van mekaar af getrek.
Die bakleiery het op Hoërskool Middelburg se A-veld plaasgevind.
’n Groot aantal toeskouers het die geveg gesien.
Die volgende spanne was reeds op die veld toe die mans mekaar getakel het.
At Caxton, every story is written by humans. We use AI only to perform quality checks - never to generate the news. Happy reading!
