Video: Talle vrae na ongeluk waarin drie mense sterf
Daar is talle onbeantwoorde vrae na ’n ongeluk Saterdag waar twee vrou en ’n man opslag dood is in ’n ongeluk op die Stoffbergpad.
Wat het tydens ’n ongeluk Saterdag op die Stoffberpad gebeur? Die vraag wat ’n mens kan vra as jy na die ongelukstoneel kyk.
Twee vroue en ’n man, wat in die VW Polo was, is opslag dood en drie mense is ernstig beseer in ’n Toyota Hilux bakkie. Die ongeluk het sowat 9km buite Middelburg gebeur.
Lees ook: Drie sterf in ongeluk op Stoffbergpad
Wat die ongeluk so vreemd maak, is die feit dat die VW Polo op die passasiersdeur getref is en dat albei voertuie aan die regterkant van die pad (Stoffberg se rigting) tot stilstand gekom het.
Op die toneel is gehoor hoe die bestuurder van die bakkie, wat die enigste persoon was wat nié ernstig beseer is nie, gesê dat die VW Polo van voor af gekom het, en dat hy probeer uitswaai het, maar daarna niks verder onthou nie.
Die bakkie het daarna die VW Polo op die passasiersdeur getref en is albei voertuie van die pad af geslinger.
