‘n Motorfietsryer het ‘n beenbeserings opgedoen nadat hy op ‘n draai beheer verloor en die motorfiets hom etlike meters ver saamgesleep het.

Gabriel Mwamba Kapinga, was op pad om ‘n aflewering te gaan doen met sy Checkers Sixty/60 motorfiets, toe hy beheer verloor het oor die motorfiets by die draai in Ngoyistraat, oorkant die Kees Taljaard Stadion.

Hy het op die sypaadjie gelê toe hulp opdaag en het gekla van erge beenpyn. Ambulanspersoneel van ER24 en brandweerlede het hom op die toneel gehelp.

Dit is die soveelste afleweringsmotorfiets wat in ‘n ongeluk betrokke is in die dorp. Die afgelope paar jaar is verskeie motorfietsryers wat aflewerings doen beseer en het ten minste twee in ongelukke gesterf.

Lees ook: Delivery biker injured in collision