Motoriste het ’n groot sug van verligting geslaak omdat die Steve Tshwete Munisipaliteit aandag gegee het aan hul klagtes oor ’n gat met versperrings.

Vir etlike dae moes almal versigtig ry om ’n gat met versperrings daarom op die hoek van Lilian Ngoyi- en Beyers Naudestraat en het van die motoriste by die Observer kom kla.

Lees ook: https://www.citizen.co.za/middelburg-observer/news/2025/01/23/daars-n-gat-in-die-pad-en-die-karre-ry-daarom/

Hul klagtes is oorgedra aan rdl. Johann Dyason, wat aangedui het dat hy reeds verskeie kere daaroor navraag gedoen het en dadelik weer daaroor sal uitvra.

Sy woorde was skaars koud, of ’n span het Vrydag opgedaag en die gat in die pad reggemaak!

• Daar is ook gekla oor ’n mangat op die sypaadjie op die hoek van Lilian Ngoyi- en Njalastraat (Kanonkop) wat al ’n geruime tyd oopstaan en ’n gevaar inhou vir mens en dier wat op die sypaadjie loop. Vanoggend was die mangat steeds oop.