‘n Pa en seun is gisteroggend in Roossenekal gearresteer en sal vandag in die Belfasthof verskyn.

Hul arrestasie volg na talle voorvalle waar twee mans, wat hulle voorgedoen het as matwassers, toegeslaan het by ouetehuise. As hulle weg is, het die inwoners gesien dat daar van hul waardevolle artikels, soos juwele, weg is.

Lees ook: Mans was nie matte, maar steel

Die eerste voorval was by ‘n tehuis in Paul Pietersburg, waarna Belfast, Middelburg, Groblersdal en Howick gevolg het.

Met uitstekende samewerking tussen die polisie en boere, is die twee mans in Roossenekal vasgetrek.