‘n Ma het self haar kind hospitaal toe geneem na die ongeluk gister, waar ‘n man op die N4 doodgery is.

Omstanders het op die toneel vir die joernalis gesê dat ‘n vyfjarige kind per ambulans hospitaal toe geneem is na ‘n ongeluk waar ‘n voetganger op die N4 tussen die Samora Machel- en Vandyksdrif-afritte doodgery is.

Lees ook: Voetganger doodgery, vyfjarige passasier beseer

‘n Kind, wat ‘n passasier was in die Landrover wat die persoon getref het, is beseer.

Daar is intussen verneem dat die kind ses jaar oud is en dat die ma self met die kind gejaag het hospitaal toe, omdat hy ernstige beserings opgedoen het weens die lugsakke wat uitgekom het. Die ambulans het nadat sy weg is, opgedaag en hulp aangebied vir die pa, wat erg geskok was deur die gebeure.