Video: Mense ernstig beseer in ongelukke in reën
Daar was vandag byna net so baie ongelukke soos gister op paaie in die omgewing.
Ten minste twee mense is ernstig beseer in ‘n ongeluk op die N4 by die Bethal-afrit vanmiddag omstreeks 16:15.
@middelburgobserver Two people seriously injured in accident between truck and bakkie on N4 near the Bethal offramp on March 2. Patients taken to hospital in Middelburg.
Dié ongeluk was weer een van verskeie waarvan melding gemaak is op die Traffic Alert-groep en waarheen nood- en insleepvoertuie moes jaag. Gister was die noodspanne net so bedrywig.
Lees ook: Noodspanne jaag van ongeluk tot ongeluk
Omtrent dieselfde tyd wat die ongeluk plaasgevind het op die N4, het ongelukskoördineerder Louwtjie Swart hulp verleen op die R545 (tussen eMalahleni en Balmoral) waar ‘n trok omgeslaan het naby die Kusile Kragstasie.
Motoriste is ook op die groep gewaarsku om versigtig te ry op die eMalahleni/Krielpad wat heeltemal verspoel is.
- Noodgroepe is pas weer ontbied na twee ongelukstonele op die Vandyksdriftpad. Twee voertuie, waarvan een ‘n bakkie, het mekaar getref naby die Lesede Village se indraai. Minute later was daar nog ‘n ongeluk tussen ‘n voertuig en ‘n trok net twee kilometer voor die eerste ongeluk.
