Twee fietse in Gholfsig gesteel
Misdadigers is die afgelope paar dae baie bedrywig in Middelburg en is daar laasnag ook toegeslaan in Gholfsig.
Twee fietse is in die vroeë oggendure by Jan Cillierstraat 29 (Gholfsig) gesteel.
Willie Coetzee is omstreeks 02:30 met die honde se geblaf en ‘n vreemde geluid gewek. Hy het dadelik opgestaan en met sy flits reg rondom die huis geloop. Hy kon niks sien nie en is terug bed toe.
Vanoggend het hy dadelik gesien dat sy motorhuisdeur oopforseer is en dat hul twee fietse, ‘n geel Giant resiesfiets, asook ‘n Peugeot resiesfiets gesteel is. Hy vermis ook van sy gereedskap.
Hy het navraag gaan doen by van die mense in die straat wat CCTV kameras het en is hy meegedeel dat daar omstreeks 01:00 beweging in die straat opgemerk is.
Willie vra dat indien iemand die fietse probeer verkwansel of as hulle videomateriaal het wat hulle kan help om dit te probeer opspoor, om hom te skakel by 072 763 5089.
