Twee hekmotors is hierdie week in Gholfsig en Kanonkop gesteel, met diewe wat misbruik gemaak het van gisteraand se kragonderbreking om met hulle buit weg te kom.

Volgens Lizelle Maritz is hulle hekmotor deur die loop van gisteraand gesteel.

Weens die kragonderbreking wat groot gedeeltes van die dorp, asook Kanonkop en Dennesig geaffekteer het, kon hulle nie die CCTV beeldmateriaal nagaan om te sien hoeveel verdagtes betrokke was of hoe laat die diefstal plaasgevind het nie.

“Toe ons vanoggend ry was dit te donker om die volle omvang van die skade te sien, maar die motor en die battery is gesteel,” het Maritz gesê.

Hoewel sy nie weet hoe hulle toegang tot die erf gekry het nie, is daar ’n gaping tussen die muur en doringdraad, en vermoed sy dat die diewe daardeur geklouter het.

Die Maritz egpaar woon in Proteastraat.

• Daar is Dinsdag ook ’n gesteelde hekmotor in Van Wyk Louwstraat, Gholfsig gerapporteer.

Dennesig struck by surging gate motor thefts

Residents warned of sharp spike in gate motor thefts