Daar is ’n katjagter los in Jopie Fouriestraat in Dennesig
Facebook het gisteraand ontplof nadat ’n vrou, wat vra om anoniem te bly, vertel het dat een van haar katte reeds doodgeskiet en nog een gekwes is.

Die katjagter gebruik ’n windbuks maar die gesin het ook ’n pyl in hulle erf opgetel.
Soos alttyd was daar twee kante “hou die katte in jou erf” en diegene wat bloed gesoek het.
Daar was kru-boodskappe soos “maak hom aan ’n boom vas en skiet die k@k uit hom” en “skiet hom terug as jy diere seermaak kan hy maklik mense seermaak”.

Een vrou het die katskieter die slegste moontlike toegewens met “hoop sy vingers verander in vishoeke en hy juk waar hy nie moet nie”.