Eers ’n mylpaal en toe ’n groot val.
’n Paar weke gelede het Annemarie Fourie die grondpad van Middelburg na die Alzu Petroport aangedurf…en klaargemaak.
Vier dae in hospitaal
Dit was ’n groot mylpaal vir die lid van Middelburg Fietsryklub.
Vrydag het sy so hard met die einste fiets geval, dat sy vier dae in die Life Midmed Hospitaal moes deurbring.
Gewag vir uitslae
Sy is Maandag na Kosmos Hospitaal in eMahlaleni vir ’n MRI-skandering.
Veral haar knie het die impak gevoel van haar groot val.
Daar word nog gewag vir uitslae van die skandering en sy is Dinsdag ontslaan.
Tusen die pyn was daar ook groot dankbaarheid vir mense se goedheid.
Sy kan nie uitgepraat raak oor die hulp en ondersteuning uit die gemeenskap nadat sy hard met die teerpad kennis gemaak het nie.
Selfs vreemdelinge het haar te hulp gesnel.
