As dit nie vir ’n Vrystaatse donderstorm was nie, was die Pumas dalk bo op die SA Beker punteleer.
Daardie afgelasde wedstryd, terwyl die Pumas voor was en boonop op die aanval, het gemaak dat Griekwas met drie punte die voorste span is.
Maar as is verbrande hout en nou kan Sondag se kragmeting tussen die beste spanne wys wie is eintlik baas.
Die twee is in Kimberley slaags.
Daar moet nog baie water in die see loop en die Vrystaat Cheetahs lyk al meer na ’n span wat die kaarte deurmekaar kan krap.
Indien alles volgens plan verloop kan die huidige en oud kampioene mekaar dalk weer in ’n eindstryd pak.
Vra enige span, daar waar die Groot Gat is, is geen maklike plek om te wen nie. Selfs die Westelike Provinsie en Blou Bulle het al geknor op die harde veld.
Daarom sal Jimmy Stonehouse, Sondag wil seker maak hulle is bo aan die punteleer wanneer daar uitgespook moet word vir die beker.
Pumas:
- Jaycee Nel,
- Lundi Msenge,
- Sango Xamalashe (Onder kaptein),
- Clinton Swart,
- Valentino Wellman,
- Nevaldo Fleurs,
- Thomas Bursey,
- Willie Engelbrecht,
- Ruwald van der Merwe,
- Andre Fouché,
- Tiaan de Klerk,
- JJ Scheepers,
- Sampie Swiegers (Kaptein),
- Gustav du Rand,
- Kudzwai Dube.
Plaasvervangers:
- Jan-Hendrik Campher,
- Etienne Janeke,
- Junior Banda,
- Miyelani Ngobeni,
- De Wet Marais,
- Conor van Eeden,
- Wian van Niekerk,
- Tino Swanepoel.
