Wanneer jy 78 jaar oud is het jy baie tyd.

Al het die tande van die tyd jou ingehaal, stop dit jou nie om die Loskop 10km aan te durf nie.

Johannes Roux is lid van Coaldust Road Runners, een van die oudste marathonklubs in Mpumalanga.

Toe die mans 50km wenners verby hom snel, het Johannes eers omgedraai in die 10km wedloop. Met ander woorde, die voorste drawwers het byna 50km voltooi, voordat hy vyf kilometer klaargemaak het,

Op so hoë ouderdom speel swaartekrag ook ’n al groter rol en die Coalduster het krom, oë op die teerpad, voortgebeur.

Dit was ’n reuse prestasie vir Charles Jiyane om sy sesde Loskop 50km ultra wedloop te wen. Maar om op 79 die uitdagenede Varady’s Hill uit te kom is dalk ’n groter prestasie.

En al is jy heel laaste, is dit net so groot prestasie om vas te byt, terwyl die ander deelnemers al hulle tweede germaanse bruisdrankie weggeslaan het.

Vandag weet min mense Varadys’s Hill is vernoem na Des Varaday wat ’n jagluiperd toevlugsoord bedryf het onder aan die bult.

Hy was ook bekend as held en skurk in fotoreeksboekies in die sewentiger jare.