Die polisie in eMalahleni het die inhegtenisname van ’n 29-jarige vrou bevestig in verband met die moord op Willie Visser, wie se liggaam in Seekoeiwater gevind is.

Volgens Witbank Nuus is die vrou reeds op Oukersdag in hegtenis geneem. Sy sal na verwagting môre in die Witbank-landdroshof verskyn.

Visser is op 16 Desember as vermis aangemeld nadat sy skoonma, Ina Vice, hom by ’n vriend se huis in Reynorif afgelaai het.

’n Verbyganger het later die dag op sy liggaam afgekom.

‘n Voorlopige ondersoek dui daarop dat Visser elders vermoor en sy liggaam op die toneel gestort is.

“Die oorledene is vermoedelik met ’n stomp voorwerp aangeval,” het plaaslike polisiewoordvoerder Kaptein Eddie Hall gesê.

Breaking news at your fingertips… Follow Caxton Network News on Facebook and join our WhatsApp channel.

Nuus wat saakmaak. Volg Caxton Netwerk-nuus op Facebook en sluit aan by ons WhatsApp-kanaal.