Die voormalige Springbokslot Hannes Strydom (58) is gisteraand dood in ’n ongeluk op die N4 tussen Kromdraai en Balmoral.

Volgens Solange Soares Nicholson van TRAC het die ongeluk omstreeks 21:56 gebeur.

#TRACN4route 19/11 at 22:14. #Crash btw Kromdraai IC + Balmoral IC (N4/2 KM 6.2W) #eMalahleni WB Closed. Please be patient.

— TRAC N4 Toll Route (@TRACN4route) November 19, 2023

“’n Bakkie en minibus was in die ongeluk betrokke,” het Soares gesê en verduidelik die ongeluk het die lewe van twee mense geëis, terwyl vier ernstig beseer is.

SA Rugby Magazine berig Strydom (58) was ‘n lid van die Springbokspan wat die wêreldbeker in 1995 in Suid-Afrika gewen het.

It is with great sadness to have heard of the passing of our very own Lions and Springbok legend Hannes Strydom. Our thoughts and prayers are with his family and friends during this time. May his soul rest in peace.#LionsPride🦁 pic.twitter.com/wt21wMe1wQ

— Lions (@LionsRugbyCo) November 20, 2023

Strydom, wie die Pharma Valu-aptekersgroep besit het, is die vyfde lid van dié span wat oorlede is, ná die afsterwe van Ruben Kruger, Joost van der Westhuizen, James Small en Chester Williams.

Strydom het 21 toetse vir die Springbokke gespeel en het ook vir Transvaal uitgedraf – waar hy ‘n formidabele tweedery-kombinasie met Kobus Wiese gevorm het. Hy het ook Noord-Transvaal binnelands verteenwoordig.