Motoriste dringend gemaan oor spoed op R59
Let asseblief op waarskuwingstekens waar gewerk word aan die pad.
Bykomende spanne sal van vandag af aan die R59 tussen Parys en die N1-oorbrug werk by die gedeelte naby Valtrac waar die toestand van die padoppervlak ernstige kommer wek en skade vir motoriste veroorsaak.
Let daarop dat daar ‘n stop/ry-punt sal wees.
Motoriste is ernstig gemaan om gehoor te gee aan waarskuwingstekens waar gewerk word aan die pad en om spoed te verminder. Daar is diep en groot slaggate.
Die paaie departement het ook gewaarsku dat motoriste ten spyte van die toestand van die R59 tussen die N1 en Parys steeds nie spoed verminder nie. Totdat die pad herstel is, is dit baie gevaarlik.
Gee asseblief gehoor aan die waarskuwing.
Die R59 via Parys is ‘n alternatiewe roete vir die N1 en dra swaar verkeer.
Die pad het verskeie groot en diep slaggate wat veral in reënweer en saans moeilik sigbaar is.
