Parys se Golden Oldies draf Saterdag 26 Julie uit op hul tuisveld wanneer dié span Johannesburg se Hillbillies die stryd aansê met die dorp se eerste Oldies-rugbyfees.

Tien spanne van omliggende dorpe sal die dag hier in aksie wees met Parys wat die gasheerklub vir die dag is.
Die Parys Golden Oldies Rugby Festival word gehou op Hoërskool Parys se gronde en daar sal ‘n snoepie en kosstalletjies beskikbaar wees.Toegang kos R50 per motor en R10 per persoon.

Mense is welkom om koelhouers en gasbraaiers te bring en te kom deel in die gees van die dag. Jy kan uithaler rugby verwag van die goue oues van die rugbyveld, wat beloof ‘n gesinsdag soos min te wees.