Verskeie arrestasies is deur die polisie gemaak vir die oortreding van die Immigrasiewet, verkeersoortredingsboetes vir onder andere bestuur sonder ‘n lisensie, bestuur van ‘n onpadwaardige voertuig en ander oortredings ingevolge die Nasionale Padverkeerswet na die multidissiplinêre polisiespan se optrede met Operasie Shanela II.

Voetpatrollies, voertuigpatrollies en stop-en-deursoek aksies is uitgevoer in geïdentifiseerde misdaadbrandpunte terwyl. padblokkades  opgestel is op die N1, die N8 en R702.

Met die operasie is ‘n 25-jarige buitelandse burger ook in hegtenis geneem vir die handel in dwelms in  Bloemfontein se Sentrale Sakekern. Tydens die deursoek van ‘n gebou in Douglasstraaat waar die man gearresteer is, is  beslag gelê op opgerolde daggazolle, eetbare daggaprodukte, dagga en kontant, vermoedelik die opbrengs van dwelmverkope.

Behalwe vir dié arrestasies  is boetes uitgereik ingevolge die Vrystaat Dobbel- en Drankwet en die  Wet op Voedsel, Skoonheidsmiddels en Ontsmettingsmiddels 54 van 1972.