Johan van Vuuren (49), die voormalige uitvoerende bestuurder van Heaven Sent Gold Group SA, ’n maatskappy wat myne in Klerksdorp besit, het op 22 Januarie  in die Orkney-landdroshof verskyn op aanklagte van beweerde bedrog en diefstal nadat hy die oggend deur lede van die Ernstige Korrupsie-ondersoekeenheid in Klerksdorp in hegtenis geneem is.

Verslae dui daarop dat hy tussen 2020 en 2022, terwyl hy as uitvoerende bestuurder by Heaven Sent Gold Group SA werksaam was, die voorsieningskettingprosesse oortree, en kontrakte aan twee mynmaatskappye toegeken het. Een maatskappy is na bewering ’n kontrak ter waarde van meer as R50 miljoen toegeken, terwyl die ander ’n kontrak van R20 miljoen ontvang het. Hierdie kontrakte is glo sonder die toestemming van die Heaven Sent-raad aangegaan.

Tydens die ondersoek is dit aan die lig gebring dat die beskuldigde belange gehad het in ’n maatskappy waaraan hy ’n kontrak van R20 miljoen toegeken het. Verdere ondersoek het ook onthul dat die maatskappy wat die kontrak van R50 miljoen ontvang het, betalings gemaak het aan maatskappye wat familiebande met die beskuldigde het.

Borgtog van R20 000 is aan Van Vuuren toegestaan, het luitenant-kolonel Tinyiko Mathebula gesê.