Die 17-jarige Vivienne van der Schyff is een van net agt junior muurbalspelers in die land wat gekies is om Suid-Afrika by die Wêreld Junior muurbalkampioenskappe te gaan verteenwoordig. Die span het Dinsdagmiddag na Kanada vertrek waar die kampioenskappe gehou sal word.

Vivienne wat tans ‘n graad 11-leerder van Eunice High School for Girls in Bloemfontein is, het in 2015 die eerste keer by Parys-muurbalklub begin muurbal speel, onder die afrigtingshand van wyle Elize Prinsloo, wat haar aangemoedig het om te begin speel.

Oor die jare het Vivienne die Vrystaat verskeie kere by interprovinsiale toernooie verteenwoordig, en het sy ook in Desember 2024 SA Schools Squash in Maleisië en Singapore verteenwoordig.

Vivienne is haar skool se muurbalkaptein en word afgerig deur Tremayne McDonald.