* Maak seker dat jou alarmstelsel in ‘n werkende toestand is, en die bystandbattery ten volle funksioneel is in geval van ’n kragonderbreking.
* Hou ‘n flitslig in jou motor, as jy snags huis toe sou kom tydens ‘n kragonderbreking. Die meeste slimfone het ook deesdae ‘n ingeboude flitsfunksie
* Stoor noodkontakinligting op jou foon, maar hou ook ‘n gedrukte kopie veilig en toeganklik. Dit moet die nooddienste soos brandweer, polisie en mediese dienste insluit. Sluit ook kontakbesonderhede van vriende en familie saam met versekeringsinligting in.
* Laai jou selfoon, skootrekenaar en tablet ten volle voor geskeduleerde kragonderbrekings.
* Dit is ook ‘n goeie idee om ‘n noodlaaier byderhand te hê.
* Onthou om toestelle spaarsamig te gebruik tydens onderbrekings, sodat jy nie die battery heeltemal dreineer voordat kragtoevoer herstel is nie.
* Dit is ‘n goeie idee om warm water in ‘n fles te hou as jy weet van moontlike kragonderbrekings.
* Hou gebottelde water wat jy ook kan vries. Hierdie bevrore gebottelde water kan ook help om voedsel koud te hou tydens ‘n kragonderbreking.
* Ontkoppel elektriese toestelle of skakel dit by muurproppe af tydens kragonderbrekings. Dit sal help om elektriese toestelle te beskerm veral met kragstuwings wanneer elektrisiteitstoevoer herstel word.
* Maak gebruik van kragstuwingbeskerming: Elektriese stuwings is een van die grootste oorsake van skade aan toerusting tydens ‘n kragonderbreking. Die installeer van ‘n kragstuwingbeskermingstoestel kan help om skade te verminder in onvoorsiene situasies.
* Maak seker jou data is gestoor in geval van onvoorsiene kragonderbrekings. Sogenaamde “Online Cloud-based Back-up” is gerieflik en meestal geoutomatiseerd. (Inligting met erkenning aan Santam Versekering)