Parys Voortrekkerkommando het Vrydag gesorg dat die sente uitgehaal word vir Kansa. Die fondsinsameling is by Parys Primêre skool gehou en het dié leerlinge fluks hul munte ingegooi om te help met die verdienstelike werk wat deur Kansa gedoen word. ’n Totale bedrag van
R4 848,35 is ingesamel.

Wat doen Kansa:
Kansa (Kankervereniging van Suid-Afrika), is ‘n vereniging sonder winsbejag wat hom toespits op hulp en ondersteuning aan die duisende kankerpasiënte en hul families regoor Suid-Afrika. Hierbenewens is Kansa voortdurend betrokke by navorsing oor kanker, en word verskeie bewusmaking- en inligtingsveldtogte jaarliks geloods, waaronder die bekende Shavathon. Kansa het ook sorgsentrums regoor die land.