Johan de Villiers, oudskolier van Parys Primêre skool, het aan die MTB SA XCO CUP in Bloemfontein deelgeneem waar hy ‘n tweede plek vir junior mans behaal het. Johan is ook aangewys as algehele wenner vir die Vrystaat-provinsie. Johan neem op 10 Julie in Pietermaritzburg deel aan die laaste XCO SA CUP kompetisie vir die jaar.

Sy doelwit is om in die SA-span ingesluit te word wat later vanjaar aan die wêreldkampioenskappe sal deelneem. Johan word deur sy pa, Johan sr. afgerig. Johan is ambassadeur vir TREK SA en word ondersteun deur Pierre Smith en sy span van UR CYCLING.