Michelle Botes, bekende Suid-Afrikaanse aktrise, is Saterdag oorlede nadat sy met kanker gediagnoseer is. Sy was 63 jar oud.

Botes is veral bekend daarvoor dat sy Cherel de Villiers in Isidingo vertolk het. Ander programme waarin sy gespeel het, sluit Binnelanders en The Legacy in.

Botes se talentagentskap, Oh Talent Management, het die nuus op sosiale media bevestig.

Botes het onlangs in ‘n onderhoud met die tydskrif Bruis onthul dat sy die afgelope twee en ‘n half jaar gesukkel het met myeloom, ‘n kanker wat die beenmurg aantas. Sy het gekies om behandeling te stop.