Altesaam 45 babas, waaronder 21 dogtertjies en 24 seuntjies, is teen 20:50 op Kersdag in staatshospitale in die Vrystaat gebore. Dit sluit nie babas in wat in privaat hospitale gebore is nie.
Babas wat op Kersdag gebore word, het altyd ‘n baie spesiale plek in die departement van gesondheid se vieringe op die dag.
Die Premier, LUR vir Gesondheid en ander lede van die Uitvoerende Raad het gedurende die dag mammas by ‘n aantal kraamsale besoek om die trotse ma’s persoonlik geluk te wens, ‘n babasorgpakkie te oorhandig en met personeel te vergader.
Die kraamsaal by die Nasionale Distrikshospitaal in Bloemfontein het Woensdagoggend om 00:15 die eerste baba wat Kersoggend gebore is in die lewe gebring. Palesa Khatsi van Bloemfontein het haar seun, Thandolwethu Kosana, wat 2.64kg geweeg het, in die wêreld gebring en dit gaan goed met beide ma en baba.
Dihlabeng Streekhospitaal in Bethlehem het die tweede baba om 00:30 in die lewe gebring. Thembisile Ndaba van Senekal het geboorte geskenk aan haar dogter wat 1.89kg geweeg het.
Mpho Seretsi van Welkom het om 00:33 geboorte geskenk aan haar dogter wat 2.67kg geweeg het by die Bongani Streekhospitaal in Welkom as die derde baba vir die dag.
