Wenplekke vir Parysenaars by VS/NW kragmeting

Twee Parysenaars, Moses Tsimane en Aneyke Vrettas het albei met 1ste plekke in hul onderskeie afdelings kon spog na afloop van die Vrystaat/Noord-Kaap Gewigoptel kragmeting. Boonop het Moses sy SA bankie drukrekord van 110kg wat hy in 2016 opgestel het, met 5kg verbeter vir ’n nuwe SA rekord. Moses wat net 60kg weeg en ’n ervare gewigoptel-atleet is, het reeds Vrystaat, SA-kleure en internasionale mededinging op sy kerfstok. Die afgelope naweek het hy weer gewys waartoe hy instaat is toe hy 3 keer sy eie liggaamsgewig in “dooie gewig” opgetel het (180kg). Hy het selfs die 200kg probeer, maar kon nie slaag nie. Ten spyte daarvan dat dit Aneyke se eerste kompetisie was het sy haar afdeling gewen.