Of dit nou ‘n gastehuis, prokureursfirma, apteek, oogkundige, hardeware winkel, restaurant of haarsalon is. Noem maar op – daar is talle besighede wat met toewyding, integriteit, harde werk en uitstekende dienslewering nie net Parys se ekonomiese wiele aan die gang hou nie, maar keer op keer beïndruk en uitstaan as die beste.

Daarom nooi MooiVaal Media lesers om weer vanjaar erkenning te gee aan ons plaaslike sakeondernemings wat kop en skouers uitstaan deur jou stem te laat hoor met nominasies van plaaslike besighede wat na jou mening uitstaan as die beste vir vanjaar se Best of Parys – Readers Choice-toekennings.

Hierdie projek word vir die tweede jaar agtereenvolgens aangebied.

Wees deel van die positiewe dryfkrag deur verdienstelike besighede in die onderskeie kategorieë te nomineer. Gou spring – daar is nog net vyf dae oor voor die sluitingsdatum vir nominasies op 2 Junie.

So nomineer jy besighede :
* Gaan na https://www.citizen.co.za/parys-gazette/2025-best-of-parys/ en voltooi die aanlyn nominasie vorm.
* Of skandeer die QR-kode hieronder met jou selfoon se kamerafunksie oop op jou selfoon.

Slegs digitale nominasies word aanvaar.

So werk nominasies:
* Jy kan besighede in verskeie kategorieë nomineer.
* Jy kan ook meer as een besigheid in ‘n kategorie nomineer.
* Sodra nominasies gesluit het, sal lesers aanlyn stem vir die wenners van die onderskeie kategorieë.
* Die wenners sal dan by ‘n spog geleentheid aangewys word.