Die eerste aarbei het hy geëet, en toe het die voëls hulself kom help aan Kobus Kruger se ietwat ongewone maar stroopsoet aarbeie.

Kobus noem hulle sommer sy Nieu-Seeland aarbeie. Hy het hulle geplant in bakke op die stoep van sy kleinhoewe langs die Parys/Fochville-pad waar hy bly.

Vier jaar al spog hy met die mooiste aarbeie, maar dié jaar is daar ‘n paar effe anderse aarbeie – plat maar stroopsoet vertel hy. Die grootste van die plat aarbeie meet 7cm in lengte.

Hoewel aarbeie gewoonlik bekend is vir hul keël- of hartvorm, kan hulle plat of misvorm voorkom as gevolg van verskeie faktore wat swak bestuiwing of selfs rypskade kan insluit.

Kobus spog ook met ‘n klein groentetuin waar hy al van beet tot radyse geplant het.