Brug steeds gesluit, sluise bly oop
Mense is weer gewaarsku om uit die rivier te bly en weg van rivieroewers met verhoogde vloei van die Vaalrivier wat tans gesien word.
Status quo sal vandag by Vaaldam gehandhaaf word met tien sluishekke wat tans by die dam oop is.
Nog reën word vir die naweek voorspel.
Vaaldam
Vaaldam is nou 106,8% vol met invloei gemeet teen 1 327 kubieke meter per sekonde en uitvloei teen 1 359 kubieke meter per sekonde.
Bloemhofdam
Uitvloei by Bloemhofdam word egter om 10:00 verhoog na 1 200 kubieke meter per sekonde. Bloemhofdam staan nou op 97,7%.
Die Barrage het teen 07:00 vanoggend water uitgelaat teen 1 525 kubieke meter per sekonde met vyf sluise ten volle oop.
Schoemansdrift laagwaterbrug gesluit
Die watervlak by die Schoemansdrift laagwaterbrug in die Vredefort Koepel het vanoggend om 05:30 3,35m gemeet met watervloei teen 1 879 kubieke meter per sekonde. Die brug is steeds gesluit vir alle verkeer.
Die watervlak by die brug het gistermiddag toe dit gesluit is vir verkeer 3,37m gemeet.
Vorige vloede:
Interessant genoeg was die Vaalrivier in vloed in 1976, 1983, 1996, 2011, 2023 en nou ‘n tweede keer in 2025.
