Nog twee sluishekke sal vandag om 10:00 en 12:00 onderskeidelik by Vaaldam toegemaak word wat sal beteken dat daar teen vanmiddag dan nog ses sluishekke oop sal wees. Vaaldam staan nou op 103,42%.

Invloei by Vaaldam het gedaal en word tans gemeet teen 571,7 kubieke meter per sekonde, en uitvloei is ook verminder na 1 269 kubieke meter per sekonde.

Bloemhofdam

Status quo vir uitvloei by Bloemhofdam sal vandag gehandhaaf word, nadat uitvoei vir die dam gister verhoog is na 1 400 kubieke meter per sekonde.

Barrage

Barrage se uitvloei is vanoggend gemeet teen 1 525 kubieke meter per sekonde.

Vanderkloofdam

Vanderkloofdam was Sondag reeds 97,6% vol.

Met die verhoogde uitvloei by Bloemhofdam en Gariep- en Vanderkloofdamme wat oorloop, kan verwag word dat die Oranjerivier se watervlak verder sal verhoog.